كەلەپوور لە شيعرى نوێي كورديدا شيعرەكاني كاكەى فەللاح بە نموونە

كەلەپووري نه‌ته‌وه‌يي هەميشە سەرچاوەيەكي گرنگ بووە بۆ دەوڵەمەندكردني ئەزموونى شاعيراني نوێي كورد، ئەمەش لەو باوەڕەيانەوە سەرچاوەى گرتووە كە لە دووتوێي كەلەپووردا كۆمەڵێك لايەني دەرووني و كۆمەڵايەتي و ڕۆشنبيري و فيكري و سياسي و تەنانەت پەروەردەيي گەلي كورد ڕەنگي داوەتەوە و ئەو زانيارييانەش ڕەگێكي قووڵيان لە ناو گەلدا داكوتاوە و بە زمانێكي سادە دەربڕاون و شەقڵي نه‌ته‌وه‌ييان وەرگرتووە.كاكەى فەللاحيش وەكوو يەكێك لە شاعيرە نوێخوازەكان لە گرنگى ئەم سامانە نەتەوەييە گەيشتووە و هەوڵي‌داوە بەپێي پێويستي پەيام و تاقي‌كردنەوە شيعرييەكاني سوود لە به‌شە جياوازەكاني كەلەپوور (پەندي پێشينان، ئەفسانە، شيعر، داستان و گۆراني، چيرۆك، داب‌ونەريت و هتد) وەربگرێت و لە ڕێگەيانەوە سەردەمەكەى خۆي بە ڕابردووەوە گرێ‌بدات و ئەو ڕاستييە بەرجەستە بكاته‌وه‌ كه‌ ئێستا ئه‌ڵقەى پێكەوە گرێ‌داني ڕابردوو و ئايندەيە، بۆ ئەم مەبەستە بە پێويستمان زاني لەم توێژينەوەيەماندا كە لە ژێرناوي (كەلەپوور لە شيعرى نوێي كورديدا- شيعرەكاني كاكەى فەللاح بە نموونە)يە ، هه‌وڵ‌بدەين چۆنێتي و چەندێتي مامەڵەكردنى شاعير لەگەڵ كەلەپووري نه‌ته‌وه‌ييدا دەست‌نيشان بكەين.