زاراوەسازي و ڕێگاكاني دەوڵەمەندكردني فەرهەنگي زماني كوردي

زاراوە بە بەردي بناغەي لەدايك‌بوون ‌و پێكهێناني زماني نەتەوايەتي دادەنرێ‌. زانستي زاراوە لە زمانە پێشكەوتووەكاندا گرنگييەكي بەرچاوي پێ‌دەدرێت، چەندان توێژينەوەي جۆربەجۆري لە سەر كراوە و دەكرێ‌. لەبەر ئەوەي زماني كوردي لەم سەردەمەدا بە قۆناغێكي مەزني گەشەسەندن ‌و خزمەت‌كردندا دەڕوات، بووە بە زماني پەروەردە و فێركردن، زماني دادگا و ياسادانان و زۆر بواري ديكە. لێرەدا لە ڕێگەي ئەم توێژينەوەيە، دەمانەوێ‌ خزمەتێكي بچووك بە فەرهەنگي زماني كوردي بكەين. ئەم لێكۆڵينەوەيە جگە لە پێشەكي و ئەنجام و ليستي سەرچاوەكان لە دوو بەشي سەرەكي پێك‌هاتووە، بەم شێوەيە: بەشي يەكەم پێك‌هاتووە لە: سەرەتا، مێژووي زاراوەسازي، مێژووي زاراوەسازي كوردي، چەمك و پێناسەي زاراوەسازي، چەمك و پێناسەي زاراوەسازي كوردي، چەمك و پێناسەي زاراوە، چەمك و پێناسەي فەرهەنگ، سوودەكاني فەرهەنگ، جۆرەكاني فەرهەنگ، هاتني زاراوە لە زماني تر بۆ ناو زماني كوردي). بەشي دووەم تەرخان كراوە بۆ ڕێگاكاني وەرگرتن و دروست‌كردني زاراوە لە زماني كورديدا، بەم شێوەيە: (ڕێگاي وەرگرتني زاراوە، ڕێگاي لێكداني زاراوە، ڕێگاي داتاشيني زاراوە، ڕێگاي داڕشتني زاراوە، ڕێگاي وەرگێڕاني زاراوە).