د قرآن كريم له نظره دنوي (معاصر) اسلامي تمدن اساس

اسلامي معاصر تمدن د نړۍ تر ټولو تمدنونو غوره تمدن ده چې د اسلام له پيدايښت نه شروع شوي او تر قيامته پوري به دوام لري، دا تمدن د الله له طرفه مخلوق ته ليږل شوي، چې د انسان او ټولني د پرمختګ او ښه ژوند لپاره تر ټولو تمدنونو غوره تمدن ده، ددې تمدن په مقابل كې د نړۍ نورو تمدنونو تل ماتي خوړلي ده ځكه چې دا د لوي خداي تمدن ده. په دې بحث كې مونږ هغو بنسټونو ته اشاره كړي چې قرانكريم د يوه تمدن د پرمختګ لپاره اړين بللي. قرآنكريم مسلمانانو ته امر كوي چې اسلامي تمدن د پرمختګ لپاره بايد هڅې وكړي او ددې لپاره چې دا تمدن له شروع تر قيامته پوري وځليږي ، بايد د اسلامي معاصر تمدن بنسټونه (اعتقادي، ټولنيز، اقتصادي او اخلاقي بنسټونه ) قوي كړي. كه مونږ د اسلامي معاصر تمدن د پرمختګ عوامل وګورو له ورايه معلوميږي چې كله هم د اسلامي تمدن بنسټونه قوي شوي اسلامي تمدن پرمختګ كړي او هر كله چې د اسلامي تمدن بنسټونو ته پاملرنه نه ده شوي، اسلامي تمدن له ستونزو سره مخ شوي يا يې هم ماتي خوړلي كه مونږ اسلامي تمدن په سمه توګه وپيژنو او په خپل ژوند كې يې عملي كړو،د نړۍ تر ټولو تمدنونو به مخكښ و، مونږ چې كله هم اسلامي معاصر تمدن يادوو مقصد مو همغه مخكيني اسلامي تمدن ده خو په معاصر تمدن كې هغو نوښتونو ته هم اشاره كوو چې په پخوانيو زمانو كې بشر نه و كشف كړي.