هلژحمه قرآن نه امام علي عليه السلام فيقپوے نظرينگ ميوني كھم تھوني كھه دوكپافري بنيادي لسنه خسوم

a

لس سونگنه تھوكپا يا كڑه تنگما فري نمبرچھوغو لسنه خسومگومگوے خپيره: هلژحمه امام علي عليه السلامِ فيقپوے نظرينگ(خسمبينگ)بنيادي لسنه خسوم ميوني برينگ كھمتون ينگ زوم زوم بيام يوني برينگ تھون چوكپه يودپي لسنه خسوم يود دي لسنه خسومپوبي سترونگ لوكھ ميدكھه ميدله گوارگوسفي ان۔اسلامي دي هلژحمه چھوسپوبي بزويكھه هلتسنه ميوني چكفري بزويكھ دوكسے دوك لنگ بيايودپونه جمي بزويكھ دوكسے دوك لنگ بيا يودپو؛ ميوني برينگ ككه فونوے بزويكھه كھم تھوني كھه دوكپه يودپو ان،يوبي فري قرآن كريم نه ينگ هلژحموني دوك لنگ فيسے مولا حضرت اميرالمؤمنين علي عليه السلام فيقپوے دوك لنگ كنينگ نو كھم تھوني كھه دوكپه يودپوينگ اجتماعي زندگي بيايودپي بارينگ زومسے دوكسے دوك لنگ بيايودپوله دي هلژحمه چھوسپوبينگ سكيدے سفارش سونگسےموتپو اهميت مينے يود۔هلژحمه امامي فيقپو لونشو هڑژغه( 25)چوب چدے شخفه يودپو سه يو فري ان سوك زيربه يودپو نوزين گوا گويد۔قرآن نه هلژحمه امامي كسل كُنينگ نو بنيادي لسنه خسوم ميوني برينگ ،گڑونگنه گڑونگ برينگ يا يولنه يول برينگ تھون چوكپه يود پو؛ كھم تھون بيا يود پو ان (دي كھم تھون بيا يودپو ينگ كھم تھوني كھه دوكپه يود پو له اشين رگيد)گوانه دي بزوستو ملسه موتپو له ميوني برينگ تھوبه گويد ينگ ديوبي اهميت پو اشين يود۔ديكھه بنيادي لسنه خسوم يود دےلسنه خسومپو دو ان،1 - چيكپو ميوني حق كني سترونگ لوكھ بيا يود پو ان،2-اے چيكپو ميونگ كھوتي برينگ چيك چيكپو نه دريسے كھم تھوني كھه دوكپه يود پو ينگ چيك چيكپوله احترام يقپه يود پو ان۔ 3-اے چيكپوميونگ له دي دنيادي كھه سوله سا خسونے دوكپه يودپي زندگي بيا يودپي حق يودپي ان زيربه يودپو له قبول بيا يودپو ؛ سنيني هڑژانه ان زير به يود پو ان، گوانه دي لسنه خسوم؛ پو ميوني برينگ امن خٹپه يودپي لميك ان۔گوانه اسلامِ دي هلژحمه چھوسپو بي ميونگ گانگمه له كھم تھوني كھه دوك زيربه يودپي فيوخله دے تھوني منپو اھل كتاب (يهود و نصارا ي پونگله سه ميونگ گانگمنه كھم تھوني كھه دوك زيرےسكت زيريد، يو بي فري اسلامِ دي هلژحمه چھوسپو بي سي تھنو بيا يود پو ده وخله ضروري ان زيريد؛ پغزي دي چھوسپو انميد گويد زيرسنه يا هڑژيسميد گويد زيرسنه ده وخله تھنو بياسے چھوسپو سترونگ زيريد دو ميد زيرسنه مينگه چك ڑدبفنه مي گانگمه ڑدبفنه ژوخ ان پغزي مينگه چك خسون چوكھنه مي گانگمه خسون چوكفه ان زيرے كسل بيونگسے يود،گوانه دي بزويكھه ميونگ گانگمه كھم تھوني دوكپه يودپو له اشين ستودے ميونگ گانگمه له نون چوكسيد۔گو تھوس خپيرونگ : امام علي عليه السلامِ فيقپوے بنيادي گوتھوس لسنه خسوم ۔ 1-كھم تھوني چيتنح ، 2 -ميوني حق كني سترونگ لوكھ ، 3-اے ميوني احترام بيا يود پو ، ايونگ له سادي دنيا دينگ دوكپي زندگي بيا يود پي حق يود زير بو له ان زيربه يود پو.