بصيرت، آيات و روايات كي روشني ميں

Insight in the light of verses and traditions

اس مقالہ ميں بصيرت سے متعلق چند عناوين پيش كئے گئے ہيں جن كا خلاصہ يہ ہے:۱) سب سے پہلے بصيرت كا مفہوم اور اس كي تعريف بيان كي گئي ہے ۔بصيرت كے مفہوم كو متعارف كرانے كے لئے متضاد الفاظ كے ذريعہ قرآن مجيد كا طرز قياس بيان كيا گيا ہے جيسے عالم و جاہل، بينا و نابينا افراد،نور و تاريكي اور سايہ و دھوپ وغيرہ۔ اور لفظ بصيرت كے مترادف ومعادل مفاہيم جيسے يقظہ(بيداري)، نور اور فرقان كوبھي وضاحت كردي گئي ہے۔۲) مفہوم بصيرت كو پہچنوانے كے لئے قرآن مجيد كا دوسرا طريقہ بصيرت كے عوامل كو بيان كرنا ہے اور وہ يہ ہيں : ۱۔زمين و آسمان ميں خداوند عالم كي نشانياں،۲۔ آخرت كے بارے ميں غور و فكر كرنا ،۳۔خداوند عالم كي امداد،۴۔ ايمان، ۵۔تقويٰ، ۶۔قرآن مجيد، ۷۔دن و رات كا آنا جانا، ۸۔ زمين كا فرش بچھايا جانا، ۹۔ معجزہ،۱۰۔ ذكر و ياد خدا.۳) بصيرت كا منبع وسرچشمہ:۱۔انساني فطرت و طينت،۲۔قرآن مجيد،۳۔دين اسلام،۴۔توفيق الٰہي.۴) بصيرت كا فطري ہونا۔۵) قرآن مجيد ميں بصيرت كے آثارو نتائج:۱۔ توحيد،۲۔انذار كي قبوليت،۳۔عبرت حاصل كرنا،۴۔نفس كي منفعت.۶) بصيرت كے موانع:۱۔ آخرت كے حقائق كي بنسبت دنيا ميں انسان كي غفلت،۲۔كفر اختيار كرنا اور گناہ كا مرتكب ہونا،۳۔خواہشات پرستي.۷) بصيرت كے اوصاف و خصوصيات اور اس كي اہميت ۔اس مقالہ ميں اس سوال كا جواب ديا گيا ہے كہ : بصيرت كي تعريف، اہميت، آثار اور موانع، ا ٓيات و روايات كي روشني ميں كيا ہے؟مقالۂ حاضر تحليلي اور توصيفي انداز كے ساتھ اور لائبريري كے طريقہ كار سے، قلم بند كيا گيا ہے ۔