قرآن كي روشني ميں وحدت كي اہميت و ضرورت

a

اتحادہر زمانے ميں، بشر كي اجتماعي زندگي كے كليدي اور بنيادي عناصر ميں سے ايك عنصر رہا ہے اور طبيعت و جہانِ آفرينش كے اصولوں ميں سے ايك اصل ہے اور انساني معاشروں كي اہم ترين آرزووں اور آرمانوں كے زُمرے ميں آتي ہے۔ اسي وجہ سے گوہرِ وحدت ہميشہ، معاشرے كي تمام اكائيوں، گروہوں، ملتوں، اُمّتوں اور ہر نوعِ بشر كي آرزو رہي ہے اور ايك تھيوري و نظريے كے عنوان سے ناقابلِ انكار بيان كي گئي ہے۔قرآنِ كريم وحدت كے موضوع كو جو كہ ايك اساسي موضوع ہے، دو طرح سے ديكھتا ہے۔ قرآنِ كريم توحيدي معاشرے ميں وحدت كي تعريف و ستائش بھي كرتا ہے اور اس كے استحكام كے ليے كارآمد طريقے اور مفيد دستور العمل بيان كرتا ہے اور نيز افتراق و انتشار كي مذمت بھي كرتا ہے اور تفرقے و انتشار سے بچنے كے ليے واضح و روشن راستے دكھاتا ہے۔ ۔ اتحاد امت ، شرعي اور سماجي اہميت و ضرورت ہے جب كہ اختلاف رائے كا وجود فطري ہے، اس ليے ہم شرعي ضرورت كے پيش نظر اتحاد امت كے پابند ہيں اور فكر ونظر كے اختلاف كے باوجود اتحاد امت اور وحدت امت كو اپني ايماني اور اسلامي زندگي كا نصب العين سمجھتے ہيں اسي بات كے پيش نظر وحدت كي اہميت و ضرورت بيان كي گئي ہے۔ اس سلسلے ميں الہٰي اديان كے ماننے والوں كے درميان وحدت كے بارے ميں قرآنِ كريم كي نظر سے آگاہي و آشنائي كے ليے قرآن كي چند آيات پيش كرتے ہيں۔اور چند نكات كي طرف اشارہ كيا گيا ہے جس كي بنا پر ايك معاشرہ تشكيل پاتا ہے۔كليدي كلمات :