ڕێك‌كەوتن و بەستنەوە لە دەقى شيعريدا

توێژينەوەكە بە ناونيشانى (ڕێك‌كەوتن و بەستنەوە لە دەقي شيعريدا) (Agreement and Binding in Poetical Text) لێكۆڵينەوەيەكى زمانيي ئەدەبييە، ئەويش بەو شێوەيەى هەنگاوەكانى يەكەمى لێكۆڵينەوەكە بۆ دياري‌كردن و خستنەڕووى پێواژۆى/پرۆسێسى ڕێك‌كەوتن (Agreement) و مەرج و بنەماكانيەتى لە زمانى كورديدا، واتە لەو بارەيەوە هەموو ئەو هەنگاوانەى پەيوەست بە ڕێك‌كەوتنەوە لە دروستە سينتاكسييەكانى كورديدا جێ‌بەجێ دەكرێن و ئەوە ڕوون دەكرێتەوە كە ئايا ڕێك‌كەوتن چ كاريگەرييەكى لە نواندنى (representation) سينتاكسيي و واتاييدا هەيە. تا دواتر لە دەقي شيعريدا جێ‌بەجێ بكرێت. لێكۆڵينەوەكە پەيوەست بە بەستنەوەشەوە (Binding) هەنگاوەكان دەنێت و تيۆرييەكە لە سەر زمانى كورديي جێ‌بەجێ دەكات و ڕەهەندە سينتاكسيي و واتاييەكانى بەستنەوە لە ڕستەدا دەخاتە ڕوو تا بەستنەوە جياوازەكانى نێوان فرێزەكان دەربخرێن و ئەوە ڕوون بكرێتەوە كە ئايا لە زماندا بەستنەوەى جياوازى فرێزەكان واتاى جياوازى ڕستە دەردەبڕێت. پاشان تيۆرى بەستنەوە لە هەندێك دەقي شيعرييدا جێ‌بەجێ‌ دەكرێت.